Атырау және Маңғыстау облыстарын көркейту үшін 31 шағын-жоба грантқа мақұлданды!

Биылғы жылы барлығы 55 өтінім келіп түсті, оның ішінде 30-дан аса шағын-жоба грантқа мақұлданды. 

25 сәуірде Атырау облысы Жылыой ауданында және Маңғыстау облысы Бейнеу ауданы Боранқұл ауылында өткен Qoǵamdyq keńistikter байқауының жеңімпаздары белгілі болды. Олар 2023 жылы елді-мекендерін абаттандыруға бағытталған жобаларды іске асыруға гранттар алады. Жобалардың көпшілігі балалар мен спорт алаңдарымен ұсынылған.

Өтінімдерді іріктеу төмендегі критерийлер бойынша жүргізілді:

• жергілікті тұрғындар үшін жобаның қажеттілігі;
• жобаға жергілікті тұрғындардың қатысуы және үлесі;
• жобаның тұрақтылығы;
• жобаның бюджеті.

Мақұлданған гранттық өтінімдер арасында келесі құрылыс нысандары салынатын болады:

• Балалар ойын алаңдары – 13;
• футбол алаңдары – 1;
• Көрермендерге арналған трибуна (футбол алаңы) – 1
• саябақтар – 9;
• көше жаттығу алаңдары – 4;
• Волейбол алаңдары –2;
• Ардагерлер ескерткіші – 1

Жобаның  мақсаты: өз елді-мекендерін жақсартуды қалайтын, өз қауымдастықтарының дамуына үлес қосқысы келетін, аталған ауылдардың белсенді азаматтары, жастары, үкіметтік емес ұйым мүшелері мен жалпы немқұрайлы емес тұрғындарынан құралған ынталы топтардың бастамаларына қолдау көрсету.

"Теңізшевройл" - мен ынтымақтастықтың және қатысушыларымызды біріктіру арқасында 5 жыл ішінде біз 150-ден астам қоғамдық кеңістік құра алдық. Бүгінде оларды Атырау, Маңғыстау облыстары мен Атырау қаласында 40 000-нан астам жергілікті тұрғындар пайдалануда.