Алматы облысында фермерлерге арналған семинар өтті

2016 жылдың 17 - 18 мамырында USAID-тің "Тиімді басқаруды қолдау бастамасы" бағдарламасының аясында жүзеге асырылып жатқан "Қазақстанның фермерлері" атты жобасы бойынша Алматы облысының Есік пен Талғар қалаларында фермерлерге арналған семинар өтті.  Семинар "Agrobiz.kz - агробизнес субъектілерінің даму жолындағы жаңа мүмкіндіктер" атты тақырыбында өткізілді.  Аталмыш жобаның мақсаты: SMS-биллингі бар ірі интернет портал жасап шығу арқылы ақпарат алу/тарату үдерісін автоматтандыру жолымен фермерлер қауымдастығының мемлекеттік мекеме, ұйымдармен, қаржы институттарымен, нарықтық сектормен және халықпен жүйелі байланысының тиімділігін арттыру және оны Алматы облысының Еңбекшіқазақ, Талғар, Қарасай аудандарында апробациядан өткізу.