1 маусымда Атырау қаласында «Жарқыра» бағдарламасы шеңберінде тәлімгерлік бойынша семинар өтті

1 маусымда Атырау қаласында Тенгизшевройл ЖШС қаржылық демеушілігімен жүзеге асырылатын Атырау қаласы мен Жылыой ауданында әлеуметтік кәсіпкерлікті қолдаудың «Жарқыра» бағдарламасы шеңберінде тәлімгерлік бойынша семинар өтті.

"Жарқыра" бағдарламасының мақсаты - Атырау қаласы және Жылыой ауданындағы әлеуметтік, экономикалық және экологиялық мәселелерді шешудің кәсіпкерлік жолдарын қамтамасыз етуге бағытталған инновациялық әлеуметтік бастамаларға көмек көрсету.

Қазақстан бойынша әлеуметтік кәсіпкерлікті дамытуды қолдайтын Шеврон компаниясының қолдауымен, семинарды «МОSТ» бизнес инкубаторының ортақ құрылтайшысы, бизнес-тренер – Павел Коктышев жүргізді. Семинарға «Жарқыра» бағдарламасының бірінші кезеңінің жеңімпаздары мен жаңа бастап жүрген бизнесмендерге тәлімгер болуды қалайтын атыраулық кәсіпкерлер қатысты.

Семинар шеңберінде тәлімгерліктің түсінігі, принциптері, халықаралық тәжірибесі мен жетістікті мысалдары, тәлімгерлер мен тәлім алушыларды іріктеудің әдістері қарастырылды. Тренинг қатысушылары тәлімгерлікке қатысты толыққанды ақпарат пен жиі қойылатын сұрақтарға жауаптар ала алды.

Семинардың нәтиежесінде, «Жарқыра» бағдарламасының қатысушыларының бизнес жобалары үшін тәлімгерлер бекітіледі. Қатысушылардың пікірінше, бұл бизнеске алғаш қадам басқандарға да, биазнесте өз орнын тапқан кәсіпкерлерге де пайдалы тәжірибе болмақ.