Жүректен - жүрекке!

Сіздердің назарларыңызға ұсынатын келесі кейіпкеріміз – Мақсотова Нұрила! Нурила – Жылыой ауданы, Тұрғызба ауылының орта мектебінде сурет пәні мұғалімі болып қызмет атқарады. Оның арманы – ауыл балаларының шығармашылық қабілеттерін арттыруға арналған – заманауи жабдықталған орталық жұмысын ұйымдастыру. Бұл мақсатқа «Қоғамдық кеңістіктер» жобасы аясында қол жеткізе алды.

«Бұл жоба балалардың өміріне ерекше өзгеріс енгізеді. Біздің ауылда мұндай орталық болмағандықтан балалар қалаға баруға мәжбүр еді.  Сондықтан да мен осы ауылдан осындай сурет және қолөнермен айналысатын орталық ашуды жоспарлаған болатынмын. Бұл орталықта балалар құммен сурет салумен, графикалық планшетпен жұмыс жасаумен және де гриммен және қол өнер жұмысытарының түр-түрімен, сонымен қоса тігін жұмысымен айналысуға мүмкіндік алды. Әкімшілік тарапынан ұсынылған тізім бойынша әлеуметтік аз қамтылған отбасылар балаларына және мүмкіндігі шектеулі балалар үшін орталықта тегін қызмет көрсетіледі. Осындай қуаныштар мен мүмкіндіктер сыйлаған «Теңізшевройл» ЖШС-не және Орталық Азияның Еуразия қорына алғысым шексіз!»

 Мақсотова Нұрила, «Жүректен жүрекке» әлеуметтік жобасы жетекшісі.